Skip to main content

मेरी आमा

सब्या ढुङ्गाना

कक्षा : पाँच (भेरी)

मेरी आमा हुन् मेरो लागि सबथोक
आमा मेटाउँछिन् सबैको भोक ।
उहाँले धान्नुहुन्छ सारा घर
आमा शब्द नै कति सुन्दर ।

आमा हुन्छिन् सबैको लागि प्यारी
लाग्छ मलाई मेरी आमा नै राम्री ।
उहाँ नै हो मलाई खुसी बनाउने
उहाँ नै हो मलाई जीवन दिने ।

आमाले देखाउनुहुन्छ बाटो भविष्यको
आमामा नै छ संसार समेटिएको ।
उहाँ हुनुहुन्छ त छरिन्छ उज्यालो
उहाँ विना यो संसारै अन्धकार कालो ।

Imperial World School
A Disaster Prepared School
Safe Haven for Children