कक्षा ६ र ७ का विद्यार्थीहरूले श्री मदन आश्रित आदर्श माध्यमिक विद्यालयसँगको सहकार्यमा असार १५ लाई लक्षित गरी धान रोपाइँ कार्यक्रममा सक्रिय सहभागिता जनाए। हाम्रा विद्यार्थीहरूले बुढानीलकण्ठको पासिकोट पुगेर साथीहरूसँग हातेमालो गर्दै धान रोपेर परम्परागत कृषि अभ्यास र हाम्रो सांस्कृतिक सम्पदासँग प्रत्यक्ष रुपमा जोडिने अवसर पाए।
यस अर्थपूर्ण सार्वजनिक–निजी विद्यालय साझेदारीले विद्यालय र समुदायबीचको सम्बन्ध अझ बलियो बनाएको छ। साथै विद्यार्थीहरूले कृषि, समूहमा काम गर्ने सीप र हाम्रो मौलिक परम्परा जगेर्नाको महत्त्वबारे प्रत्यक्ष सिक्ने अमूल्य अवसर पाएका छन्।
यस कार्यक्रमको विशेष आकर्षण बुढानीलकण्ठ नगरपालिकाका प्रमुखज्यू, शिक्षा शाखा प्रमुखज्यू र सूचना शाखा प्रमुखज्यूको उपस्थितिले अझ बढाएको थियो। उनीहरूको साथले यस ऐतिहासिक अभ्यासलाई थप उत्साहजनक बनायो।
